जोखाना हेराउन बुकिङ्

जोखाना हेराउन पनि नाम बुकिङ् गरेको सुन्दा उपचारका लागि अस् पतालमा अगाडि नै नाम लेखाउनेहरू चकित पर्न सक्छन् । तर, पश्चिम दाङकी एक किशोरीले आफू देवी भएको भन्दै भविष्यवाणी गर्न थालेपछि हात हेराउन चाहनेहरूले नाम बुकिङ् गरेर पालो पर्खन थालेका छन् । श्रीगाउँ-२, बागरकी हेमलता वली, १३, सँग हालसम्म १५ हजारभन्दा बढीले हात हेराइसकेका छन् भने थप २५ हजारले नाम दर्ता गराएका छन् ।
हेमलताका बुबा दलबहादुर वलीले दैनिक ८० जनाका दरले नाम बुकिङ् भइरहेको जानकारी दिए । भन्छन्, “आगामी १५ महिनासम्म पालो छैन, बिहान पालो परेकाहरू अघिल्लो राती नै आँगनमा आएर सुत्ने गरेका छन् । ” मानिसले फोनबाट समेत नाम टिपाउन थालेकाले दर्ता रोकेर पहिला आएकालाई पहिलो पालो दिने सोच बनाएको पनि उनले जनाए । उनका अनुसार, दुई वर्षसम्म लगातार बिरामी भएकी छोरी हेमलता गत असोजमा घटस् थापनाका दिन जमरा राख्दै गर्दा एक्कासि बेहोस भएर लडेकी थिइन् । त्यसपछि ब्यूभ“mदा उनमा देवी चढिसकेको विश्वास दलबहादुरले गरेका छन् ।
हात हेराउन पोखरा, काठमाडौँ, बाँके, सल्यान, रोल्पा, रुकुमलगायतका ठाउँबाट समेत मानिस आउन थालेपछि नाम दर्ताका लागि एक जना कर्मचारी पनि राखिएको छ । देवी चढेको भनिएकी हेमलता कक्षा ७ मा पढ्दै गरेकी विद्यार्थी हुन् ।